Талас облусундагы Кара-Буура районунда 4 адам күйдүргүгө (сибирская язва) шектелип ооруканага жаткырылды. Бул маалыматты Саламаттык сактоо министрлигинин басма сөз кызматы билдирди.

Маалыматка ылайык, Кара-Буура ооруканасынын жугуштуу оорулар бөлүмүндө 4 адам күйдүргүгө шектелип жаткырылган. 12-июль күнү алардан анализ алынган, азырынча лабораториялык жактан күйдүргү тастыктала элек. Мамлекеттик санитардык-эпидемиологиялык көзөмөлдөө борбору бул боюнча өз багытында иш алып барууда.