Казакстандын алты облусунда катуу ысык тууралуу эскертүү жарыяланганын “Казгидромет” маалымат кызматы билдиргенин жергиликтүү басылмалар жаып чыкты.
«Түркстан облусунда 19-20-июль күндөрү түндүктө чаңдуу бороон болушу күтүлөт. Түндүк-чыгыштан соккон шамалдын ылдамдыгы облустун батышында жана тоолуу райондордо 15-20 м/с. Аймактын басымдуу бөлүгү өзгөчө өрт коркунучу сакталууда. 19-июлда күндүз облустун батышында, чөлдүү райондорунда +41, 20-22-июлда көпчүлүк аймактарда +40+43 градус жылуу болот. 21-22-июль күндөрү түштөн кийин батышта, чөлдүү аймактарда өтө катуу ысык +45+46 градус болушу күтүлөт», — деп айтылат билдирүүдө.
19-20-июль күндөрү түштөн кийин Түркстанда катуу ысык +41 чейин сакталат. 21-22-июль күндөрү күндүз абдан катуу +45 ысык болушу күтүлөт. 20-22-июль күндөрү Шымкентте +40+43 катуу ысык болушу күтүлөт.
Улуутау облусунда 19-21-июль күндөрү түштөн кийин түштүктө өтө катуу ысык +40+42 градус болушу күтүлөт. Жезказганда 19-21-июль күндөрү күндүз өтө катуу +40 градуска чейин ысык болушу күтүлөт.
Караганды облусунда 20-21-июль күндөрү түштөн кийин түштүктө +40 градуска чейин ысык болушу күтүлөт.
Кызылорда облусунда 20-21-июль күндөрү күндүз көпчүлүк аймактарда +45+46 градуска чейин ысык болушу күтүлөт. 19-июлда күндүз Кызылорда облусунун борборунда чаңдуу бороон болушу күтүлөт. Түндүк-чыгыштан соккон шамал күндүз облустун борборунда 15-20 м/с. Күндүз +40+43 градуска чейин ысык болушу күтүлөт. Аймактын басымдуу бөлүгү өзгөчө өрт коркунучу сакталууда. 19-июль күнү күндүз Кызылордада +40+41 катуу ысык болушу күтүлөт. Өрт коркунучу сакталууда.
19-июлда күндүз Актөбө облусунда өткүн өтүп, күн күркүрөшү күтүлөт. Батыштан соккон шамалдын ылдамдыгы түнкүсүн түндүктө, борбордо, күндүз түндүктө 15-20 м/с жетет. Күндүз көпчүлүк аймактарда +35+38, түштүктө +43 градуска чейин ысык болушу күтүлөт. 19-июнда күндүз Актөбөдө өткүн өтүп, күн күркүрөшү күтүлөт. Түнкүсүн батыштан соккон шамалдын ылдамдыгы секундасына 18 метрге чейин жетет. Күндүз +36+38 катуу ысык болушу күтүлөт.
19-июлда күндүз Атырау облусунун батышында өткүн өтүп, күн күркүрөшү күтүлөт. Түндүк-батыштан соккон шамалдын ылдамдыгы секундасына 15-20 метрге жетет. Күндүз катуу ысыйт +35+38. Райондун түштүгүндө өзгөчө өрт коркунучу сакталууда. 19-июлда Атырауда абанын температурасы күндүз +36 градуска чейин сакталат.
