Кыргызстан Евразиялык экономикалык биримдикте (ЕАЭБ) өзүн-өзү азык-түлүк менен камсыздоо боюнча төртүнчү орунда турат. Бул тууралуу Евразия экономикалык комиссиясы билдирди.

«Беларусь өзүн азык-түлүк менен 94%, Орусия – 90%, Казакстан – 83%, Кыргызстан – 81% камсыздайт. Арменияда бул көрсөткүч 73%ды түзөт», – деди Евразия экономикалык комиссиясынын (ЕЭК) расмий өкүлү Ия Малкина жума күнү брифингде.

Анын айтымында, ЕАЭБ тамак-аш менен өзүн-өзү камсыз кылуу деңгээли кыйла жогору, эксперттердин айтымында, ал 93%га жетет.

«Биргелешип ички рынокту соккулардан коргоо үчүн бизде ички мүмкүнчүлүктөр бар. 2022-жылдын биринчи жарымында 2021-жылдын биринчи жарымына салыштырмалуу айыл чарба өндүрүшү 1,5%дан ашык өстү», – деп кошумчалады Малкина.

Телеграм каналыбызга катталып, башка жаңылыктарды табыңыз