Кыргызстандын Ички иштер министрлиги өлкөнүн мыйзамдарын бузган чет өлкөлүк жарандар депортацияланганын билдирди. Ошол эле учурда ведомство өлкөдөн чыгарылган адамдардын санын тактаган жок.

Министрлик Кыргызстанда жүргөн ар бир чет өлкөлүк жаран өлкөнүн мыйзамдарын сактоого, кыргыз элинин салтын, маданиятын жана үрп-адатын урматтоого, ошондой эле өлкөдө болуунун белгиленген эрежелерин аткарууга милдеттүү экенин эскертти.

ИИМ мыйзамдарды бузуу колдонуудагы мыйзамдарга ылайык жоопкерчиликке, анын ичинде депортациялоо жөнүндө чечим кабыл алууга чейин алып келерин белгиледи.

«Өлкө мыйзамдарын урматтоо — коопсуздуктун, коомдук тартиптин жана өз ара сый-урматтын негизи», — деп белгилешти министрликтен.