КР Ички иштер министрлиги мушкер Дмитрий Биволдун мурунку аялы Екатерина Биволдун социалдык тармактарда тараган, кыргыз элин кемсинткен видеолору боюнча алдын ала иликтөө иштерин баштады.

Бүгүн интернетте анын улут аралык кастыкты козуткан мүнөздөгү бир нече видеосу тараган.

«Мындай аракеттерге жол берилбейт. Бул улуттар аралык сый-урмат жана сабырдуулук принциптерине каршы келет. Ар бир жаран адеп-ахлак жана мыйзам нормаларын сактоого, кастыкты козутпоого милдеттүү», — деп белгилешти министрликтен.

Учурда аталган факт каттоого алынып, тиешелүү экспертизалар дайындалды.