SpaceX, xAI, Tesla компанияларынын жана X социалдык тармагынын ээси Илон Маск расмий түрдө тарыхтагы алгачкы долларлык триллионер болду. Каржылык мындай секирик анын SpaceX космостук корпорациясынын акцияларын баштапкы ачык жайгаштыруу (IPO) процесси ийгиликтүү өткөнүнүн фонунда болду, деп билдирет Reuters агенттиги.

IPO жүрүшүндө компания ар бири 135 доллардан 555,6 млн акцияны жайгаштырды. Бул 75 млрд доллар тартууга мүмкүндүк берип, ал эми компаниянын жалпы наркы рекорддук 1,77 трлн долларга бааланды.

«Washington Post» гезити белгилегендей, Маск триллионер макамын азырынча «кагаз жүзүндө» гана алды: анын байлыгын баалоо Марста колония түзүү жана космостук дата-борборлорду ишке киргизүү сыяктуу стратегиялык максаттарды аткарууга байланган келечектеги опциондорду өзүнө камтыйт. Бул активдерди эсепке албаганда, анын байлыгы триллион доллардан бир аз төмөн деп бааланууда.

Компаниянын акциялары менен соодалашуу SPCX тикери алдында бүгүн, 12-июнда америкалык Nasdaq биржасында башталат. Фондулук рыноктогу мындай масштабдуу окуя жеке космостук индустриянын жана глобалдык каржы секторунун өнүгүүсүндөгү жаңы этаптын башталышын билдирет.