Индонезиядагы жер титирөөнүн кесепетинен каза болгондордун саны 20га жетти. Бул тууралуу куткаруу кызматына шилтеме берүү менен ЖМКлар билдирди.

«Ишемби күнү Индонезиянын чыгыш жээгинде болгон күчү 7,7 баллга жеткен жер титирөөнүн жана ондогон афтершоктордун (кайталанган силкинүүлөрдүн) кесепетинен кеминде 20 адам каза болду», — деп айтылат билдирүүдө.

Белгиленгендей, куткаруучулар каза болгондордун сөөгүн Маумере порт шаарынын аймагынан табышкан. Ал жерде ошондой эле жабыркаган алты адам катталды, дагы экөө урандылардын астында калууда.

Ишембиге караган түнү Европа-Жер Ортолук деңиз сейсмологиялык борбору (EMSC) Индонезиянын Флорес аралына жакын аймакта жер титирөө болгонун кабарлаган. Анын күчү 7,7 баллды түзгөн.