Жогорку Кеңеш интернет же ЖМК аркылуу кимдир бирөөнү кемсинткен, жала жапканы үчүн айып пул салууну караштырган мыйзам долбоорун үчүнчү окууда жактырды.

Мыйзам долбооруна 68 депутат макул, төртөө каршы деп добуш берди.

Өкмөт демилгелеген бул мыйзамда жалпыга маалымдоо каражаттары же интернет аркылуу бир адамды кемсинткен, сөккөн же атайылап жалаа жапкан адамдарга 20 миң сом, юридикалык жактарга 65 миң сом айып пул каралган.

Мыйзамга каршы болгон депутаттар, активисттер ал кайсы бир чиновниктин сөз эркиндигин басуу, сын айткандардын оозун жабуу үчүн курал болуп калышы мүмкүн экенин, катардагы жарандар үчүн жазылбаганын айтып келишет.

Эми ал президенттин кол коюусуна жөнөтүлөт.