logo

Ирандагы нааразылык акцияларында кеминде 201 киши каза болду

Ирандагы нааразылык акцияларында кеминде 201 киши каза болду

Иранда жалпы улуттук нааразылык маалында кеминде 201 киши каза болду, арасында 23 бала бар. Бул тууралуу Ослодо жайгашкан Iran Human Rights укук коргоо уюму билдирди.

Уюм нааразылыкты басууда өтө катаал ыкмалар колдонулуп жаткандыктан, жаңы курмандыктар болушу ыктымал экенин эскертти.

IHR акыркы үч жумада эле 108 адам курман болгонун белгилейт. Дагы 93 киши Систан-Белужистан провинциясынын Захедан шаарында көз жумган. Ал жакта полициячы өспүрүм кызды зордуктаганы жөнүндө кабар тарагандан кийин кагылышуу башталган.

108 кишинин көбү Ирандын батыш тарабындагы Күрдистан аймагында өлгөн. Бул жерде Амини жашаган. Тегеранга ал өлөрдүн алдында эле келген.

13-сентябрда Тегеранда адеп-ахлак полициясы көчөдө хижабсыз жүргөн деген негизде 22 жаштагы студент кыз Махса Аминини кармап кеткен. Анын абакта каза болгону 16-сентябрда кабарланган. Полиция ал жүрөгү кармап каза болгонун маалымдаган, бирок күбөлөр полиция аны катуу сабаганын айтып берген.

Акцияларда аялдар жоолуктарын чечип ыргытып, чачтарын кесүүдө. Демонстранттар арасында өлкө лидери, аятолла Али Хаменеинин атына каршы «Хаменеи кулатылат!» деп ураан чакыргандар бар.

Биздин Телеграм каналга катталыңыз

Поделиться в социальных сетях:

Тема боюнча жаңылыктар

Бардык жаңылыктар >>