Жогорку Кеңештин депутаты Иса Өмүркуловдун 39 жаштагы О.А. аттуу уулу Porsche унаасында велосипедчен адамды сүзүп кетти. Мындай маалыматты Жол кыймылынын коопсуздугун камсыздоо башкы башкармалыгынан тастыкташты.

Окуя 15-майда саат 22:30дар чамасында Түштүк магистраль менен Токтоналиев көчөсүнүн кесилишинде болгон. Анда Porsche унаасы 29 жаштагы велосипедчен кызды сүзүп кеткен.

Чогултулган материалдар Бишкектин ички иштер башкы башкармалыгынын тергөө кызматына өткөрүлүп берилген.

Белгилей кетсек, Өмүркуловдун уулу 2011-жылдын август айында Дунларов көпүрөсүнүн жанындагы айланып өтүүчү жолдогу кырсыктын күнөөкөрү болуп, анын кесепетинен үч адам каза болгон.