Июнь айында тамак-аш азыктарынын негизги түрлөрүнөн ун, нан, уй эти, козу эти, картошка, кант жана чай кымбаттаганын Улуттук статистикалык комитет билдирди.

Баарынан да картошка кымбаттады (12,37 сомго же 30%га). Республика боюнча июнь айында картошканын орточо баасы килограммына 53,53 сомду түздү. Ал эми козу эти 10,7 сомго, же 2,1%га (519,19 сомго) кымбаттады. Кант 7,61 сомго же 8,6%га (95,87 сомго) кымбаттады. Уй эти 3,30 сомго же 0,6%га кымбаттады. Жогорку сорттогу ун 1,03 сомго же 1,7%га кымбаттаган.

Биринчи сорттогу ун (0,27 сомго же 0,5%), нан (0,04 сомго же 0,06%), кара (0,28 сомго же 0,30%) жана жашыл (0,01 сомго же 0,01%) чай кымбаттады.