Баткендин Кадамжай районунда 33 жаштагы киши чет элдик жаранды өлкөгө мыйзамсыз алып кирип, иштетип келген деп айыпталууда. Бул тууралуу облустук милициядан кабарлашты.

Маалыматка ылайык, Үч-Коргон айыл аймагынын 33 жаштагы тургуну К.Ё. кошуна мамлекеттин 37 жаштагы К.Б. аттуу жаранын алдап, аны Кыргызстандын чек арасынан мыйзамсыз өткөргөнү белгилүү болгон. Андан соң чет элдик жаранды мыйзамсыз иштетип жүргөнү такталган.

Бул факт боюнча Кылмыш-жаза кодексинин 378-беренеси («Мамлекеттик чек арадан мыйзамсыз өтүү»), 168-беренеси («Мыйзамсыз миграцияны уюштуруу») жана 209-беренеси («Алдамчылык») боюнча кылмыш иши козголгон. Учурда шектүү жарандар убактылуу кармоочу жайга киргизилип, тергөө иштери жүрүп жатат.