Кечээ, 28-майда, Баткен облусунун Кадамжай районунда өспүрүм мотоциклден кулап каза тапты. Бул тууралуу облустук ИИБдин басма сөз кызматы билдирди.

Иликтөөнүн жүрүшүндө аныкталгандай, 16 жаштагы өспүрүм жаңы сатып алган «Эндура» спорттук мотоцикли менен Көк-Жалаң жайлоосуна мал кароо үчүн баратып башкарууну жоготуп, кулап түшкөн. Алган жаракаттарынан улам өспүрүм ооруканага жетпей, тез жардам унаасында каза болгон.

Милиция кырсыктын жана өлүмдүн так себебин аныктоо үчүн соттук-медициналык жана соттук-автотехникалык экспертизалар дайындалганын билдирди. Учурда тергөө иштери улантылууда.