Кант шаарында кароосуз калган сарайдан өрт чыгып, аял кишинин жансыз денеси табылды. Бул тууралуу Өзгөчө кырдаалдар министрлигинин маалымат кызматынан билдиришти.

Маалым болгондой, аталган шаардын М.Күренкеев көчөсүндө кароосуз калган сарайдын ичи болжол менен 30 чарчы метр жер күйүп, ичинен белгисиз аял кишинин жансыз денеси табылган (аты-жөнү жана жашы такталууда). Куткаруучулар аялдын жансыз денесин милиция кызматкерлерине өткөрүп беришти.

Өрт саат 01:07де чектөөгө алынып, 01:37де толук өчүрүлдү.