Кара-Балта шаарынын вице-мэри К.А.У. жана «Жол курулуш башкармалыгы» муниципалдык ишканасынын директору Э.М.У. коррупцияга шектелип кармалышты. УКМКнын маалыматына ылайык, Кара-Балта мэриясынын аталган кызмат адамдары муниципалдык курулуш материалдарын мыйзамсыз сатууга шектелүүдө.

Иликтөөнүн алкагында кармалгандар жеке жактарга кум-шагыл аралашмасын жана битумдук асфальтты мыйзамсыз сатууну уюштурганы аныкталган. Мунун натыйжасында жергиликтүү бюджетке жана ишканага зыян келтирген.

Шектүүлөр кармалып, УКМКнын тергөө абагына киргизилди. Учурда тергөө иштери жүрүүдө.