Чүйдүн Кара-Балта шаарында жаштар ортосунда мушташ чыгып, жыйынтыгында күч органдары тарабынан 10го жакын жигит кармалды. Бул тууралуу облустук милициядан кабарлашты.

Мушташ 7-августтан 8-августка караган түнү шаардын Береговая көчөсүндө жаштардын ортосунда чыккан. Окуя болгон жерге барган ыкчам-тергөө тобу 17 жаштан 20 жашка чейинки жаштар мушташып жатканын аныктаган. Бул факты Жайыл РИИБде катталып, текшерүү иштери башталган.

Милиция бөлүмүнө окуяга тиешеси бар 10го жакын жаш жигит жеткирилген. Учурда мушташка катышкан башка адамдарды тактоо жана окуянын жагдайларын изилдөө боюнча тергөө иштери жүргүзүлүп жатканы айтылды. Милиция көрүлгөн чаралардын жыйынтыгы менен мыйзам чегинде чечим кабыл алынарын билдирди.

Посмотреть эту публикацию в Instagram

Публикация от Reporter.kg (@reporter_kg)