Кыргызстандыктар 2-октябрдан тарта «Кара-Кеченин» көмүрүн өлкөнүн көмүр кампаларынан сатып ала баштады. Бул тууралуу «Кыргызкөмүр» ишканасынын басма сөз кызматы билдирди.
Калкка жана бюджеттик уюмдарга көмүр жүктөө 1-октябрда башталган. Эске салсак, буга чейин мекеменин басма сөз кызматы аба-ырайына байланыштуу калкка көмүр берүүнү кийинкиге калтыруу жана көмүр казууну улантуу чечими кабыл алынганын билдирген.
«Бүгүнкү күндө республика боюнча 690дон ашуун көмүр кампасы бар. Көмүрдүн бир тоннасынын баасы 1330 сомду түзөт», — деп айтылат маалыматта.
