Бүгүн, 3-февралда, Ош облусунун Кара-Кулжа районундагы “Жүлгүр” жайлоосунда кар көчкүнүн астында калган 37 жаштагы жарандын сөөгү ӨКМнын куткаруучулары тарабынан табылды.

ӨКМнын маалыматында, окуя 31-январь күнү болгон. Бир топ жаран жайлоого мергенчиликке чыккан учурда кар көчкү жүрүп, 37 жаштагы тургунду басып калган. Издөө иштерине жалпы 229 адам тартылган.

Өзгөчө кырдаалдар министрлиги буга чейин тоолуу аймактарда кар көчкү түшүү коркунучу бар экенин эскерткен.