Ош облусунун Кара-Суу районунун прокуратурасы жер мыйзамдарынын талаптарынын аткарылышын текшерди. Бул тууралуу Башкы прокуратуранын басма сөз кызматы билдирди.
Прокурордук текшерүүнүн жүрүшүндө «Кадастр» мамлекеттик ишканасынын Кара-Суу филиалынын кызмат адамдары тарабынан 2016-жылы Шарк айыл аймагынын Ачы массивинде жайгашкан 127 га жер тилкесине жеке менчик укугуна мыйзамсыз документтер берилгени аныкталган.
Көрсөтүлгөн жер тилкесине укук белгилөөчү документтерди жараксыз деп табуу үчүн прокуратура тарабынан сот органдарына доо арыздар берилип, кароонун жыйынтыгы боюнча алар толугу менен канааттандырылган.
Көзөмөл органынын прокурордук чара көрүү актысынын негизинде 320 миллион сомдук 127 гектар жер тилкеси мамлекетке кайтарылган.
