Уюлдук телефондорду милдеттүү түрдө каттоо 15-августка жылдырылды. Бул тууралуу УКМК билдирди.

Коопсуздук кызматы чечим жарандардын кызыкчылыктарын эске алуу менен кабыл алынганын белгилейт.

25-июнга чейин Кыргызстанга алынып келинген тастыктоочу документтери жок болгон мобилдик түзүлүштөрдү 15-августка чейин каттабай кое алышат. Ошондой эле милдеттүү каттоодон өтпөгөн уюлдук операторлордун абоненттери өчүрүлбөйт.

Кабыл алынган өзгөртүүлөрдүн алкагында түзүлүштөрдү каттоо үчүн 600 сом өлчөмүндөгү милдеттүү төлөмдөрдү, анын ичинде кошумча нарк салыгын жана сатуудагы салыкты төлөө түздөн-түз мобилдик телефондордун сатуучуларына, импорттоочуларына жана ритейлерлерине жүктөлөт..