Казакстандын президенти Касым-Жомарт Токаев Абылкаир Скаковду Казакстандын Кыргызстандагы жаңы Атайын жана Ыйгарым укуктуу Элчиси кызматына дайындады.

Мамлекет башчысы тиешелүү жарлыкка 9-июлда кол койду. Дипломатиялык кызматта Скаков 2021-жылдын апрель айынан бери Казакстандын Кыргызстандагы элчилигин жетектеп келген Рапиль Жошыбаевди алмаштырды.

Элчилерди дайындоо жөнүндөгү жарлыктын алкагында кабыл алынган башка кадрдык чечимдер тууралуу «Акорданын» басма сөз кызматы өзүнчө маалымдады.