Казакстан менен Кытай биргелешип Чэнду шаарында дан хабын курууну пландоодо. Бул тууралуу казакстандык “АПК Жаңылыктары” маалымат агенттиги билдирди.

Маалыматка ылайык, «Казакстан темир жолу» ишканасынын, «Кедентранссервис» ААКтын жана кытайлык Sichuan Port and Shipping Investment Group ишканасынын өкүлдөрү жолугушуп, дан хабын куруу долбоорун талкуулашкан.

Долбоордо дан эгиндерин кабыл алуу, сактоо жана транзит аркылуу өткөрүү үчүн заманбап комплекстти түзүү, ошондой эле аны эл аралык транспорттук коридорлорго интеграциялоо каралган.