Казакстандын президенти Касым-Жомарт Токаев ШКУнун суу көйгөйлөрүн изилдөө борборун Казакстанда түзүүнү сунуштады. Бул тууралуу ал Кытайдын Тяньцзинь шаарында Шанхай кызматташтык уюмуна (ШКУ) мүчө мамлекеттердин жетекчилеринин жыйынында билдирген.

Токаев өз сөзүндө климаттык чакырыктар чек араларды тааныбай тургандыгын жана дүйнөнүн көптөгөн мамлекеттерине жана аймактарына зыян келтирип жатканын айткан.

“Чыныгы коркунучтарга, мисалы, чөлдөшүү, кургакчылык, суу сактагычтардын соолушу, мөңгүлөрдүн эриши жана башка экологиялык көйгөйлөргө каршы натыйжалуу стратегияларды чогуу иштеп чыгуу маанилүү. Ошондуктан биз Казакстанда ШКУнун суу көйгөйлөрүн изилдөө борборун түзүүнү колдойбуз, – деп билдирген Токаев.