Электр энергиянын баасы жыл сайын инфляцияга жараша көтөрүлүп турат. Бул тууралуу Жогорку Кеңеште “Элдик” депутаттык тобунун жыйында энергетика министри Таалайбек Ибраев билдирди.

Анын айтымында, электр энергиянын баасын инфляцияга тууралап көтөрүп турбаса, энергетика тармагын өнүктүрүү кыйын болот.

“Тариф жыл сайын көтөрүлүп турат, муну жашырбайм. Ал инфляцияга жараша көтөрүлөт. Мурдагы жылы 23 тыйынга, быйыл 11 тыйынга көтөрүлдү. Келерки жылы инфляция кандай болгонуна карап, 5%, 6% же 15% болсо, ошого жараша көтөрүлөт. Муну туура түшүнүңүздөр. Бааны инфляцияга жараша көтөрбөсөк, энергетика тармагын көтөрүш кыйын болот”, – деди ал.