Бүгүн Бишкекте кыргыз-татар бизнес форуму өтүп жатат, ага Татарстандын президенти Рустам Минниханов келди. Иш-чаранын алкагында бир нече келишимдерге кол коюлду, анын ичинде КамАЗ автобустарын чыгаруу боюнча дагы келишим түзүлдү.

Кол коюуга Татарстандын (РФ) президенти Рустам Минниханов жана Кыргыз Республикасынын Министрлер Кабинетинин төрагасынын орун басары Азиз Аалиев катышты.

Өндүрүш 2022-жылы Токмокто ачылат. Автобустар газ күйүүчү май менен жүрөт. Экономисттер ишкананын максималдуу жүктөмү күнүнө эки автобус болорун эсептеп чыгышкан.