2026-жылы Казакстандын борбору Астанада 18-июлдан 1-августка чейин «Келечектин оюндары» аттуу эл аралык мультиспорттук турнир өтөт. Бул тууралуу казакстандык Inbusiness.kz сайты кабарлады.

Маалыматка ылайык, учурда аталган киберспорттук иш-чараны өткөрүүгө даярдыктар жүрүүдө.

Казакстандын туризм жана спорт боюнча вице-министри Серик Жарасбаев «Келечектин оюндары» турнири өткөндөн кийин киберспортту өнүктүрүү академиясы түзүлөрүн билдирген.

Ал бул иш-чара Казакстанда киберспорттун өнүгүшүнө түрткү берерин билдирген.