Бишкек шаарына КМШ өлкөлөрүнүн футбол боюнча оюнчуларынан турган курама команда Бишкеке келди. Бул тууралуу Маалымат, маданият, спорт жана жаштар саясаты министрлигинин басма сөз кызматы билдирди.
Алар эртең, 30-августта Кыргызстандын ардагерлеринин курама командасы менен футбол боюнча жолдоштук беттеш өткөрөт.
Маалыматка караганда, эртең, 30-август күнү КМШ жана Кыргызстандын курама командасы саат 11:00 Нователь мейманканасында маалымат жыйын өткөрөт.
Эгемендүүлүктүн 31 жылдыгына карата уюштурулган футболдук беттеш 30-августта Бишкектеги Д.Өмүрзаков атындагы стадиондо өтөт.
Президент Садыр Жапаров да футбол боюнча Кыргызстандын ардагерлер курама командасынын катарында КМШ өлкөлөрүнүн футбол боюнча ардагерлер командасы менен беттешет.
Бардык жаңылыктар Телеграм каналдафутбол
