Кочкор районунда жол кырсыгынан эки киши каза болду. Бул тууралуу Өзгөчө кырдаалдар министрлигинин маалымат кызматы билдирди.

Маалыматка ылайык, 30-сентябрь күнү саат 16:00дө Бишкек-Нарын-Торугарт унаа жолунун 209-чакырымында (Сары-Чат тилкеси) оор жүк ташуучу “ГАЗ-53” унаасы менен “Мерседес-Бенц” үлгүсүндөгү унаасы сүзүшкөн.

Кырсыктын кесепетинен “Мерседес” унаасынын ичинде 1960-жылы туулган эркек жана 1964-жылы туулган аял киши унаага кыпчылып калган. ӨКМнин куткаруучулары аталган жарандарды унаадан чыгарып, тез жардам кызматкерлерине өткөрүп беришкен. Тилекке каршы, жабыркагандар Кочкор райондук ооруканасына жетпей жолдо каза болушкан.