Кыргызстандын Министрлер кабинети Аи-95 маркасындагы бензинди социалдык маанидеги товарлардын улуттук тизмесинен чыгарды. Күйүүчү майдын бул түрүнүн баасына карата катуу көзөмөлдү жокко чыгарган тиешелүү токтомго Кабмин башчысы Адылбек Касымалиев кол койду.

Кабыл алынган документке ылайык, мамлекет мындан ары май куюучу жайлар үчүн Аи-95 бензинине чекене баанын жогорку чегин белгилебейт. Май айынын аягында республикада киргизилген убактылуу мамлекеттик жөнгө салуу механизминин алкагында эми КММнын (күйүүчү-майлоочу май) эң көп колдонулган түрлөрү — Аи-92 бензини жана дизель отуну гана калды.

Токтом расмий жарыяланган күндөн тартып күчүнө кирет.