Биринчи май райондук соту кечээ кармалган УКМКнын төрагасынын мурдагы орун басары Уранбек Шадыбековду 2-сентябрга чейин камакка алды, деп билдирет соттун басма сөз кызматы.

Маалыматка ылайык, Шадыбековго КР Кылмыш-жаза кодексинин 336-беренесинин 2-бөлүгү ("Уюшкан топтун, кылмыштуу коомчулуктун кызыкчылыгында жасалган же оор зыян алып келген коррупция") боюнча айып тагылган.

Улуттук коопсуздук органдарынын системасында иштеген Уранбек Шадыбеков 2026-жылдын* февраль айында УКМК төрагасынын орун басары — Киберкоопсуздукту камсыз кылуу боюнча координациялык борбордун директору болуп дайындалган. Ал эми 8-июнда президент аны ээлеп турган кызматынан бошоткон.