Биринчи элдик курултайда көтөрүлгөн маселелердин 60 пайызга жакыны аткарылды. Бул тууралуу бүгүн, 10-майда Жогорку Кеңештин жыйынында президент Садыр Жапаровдун кеңешчиси Чолпонбек Абыкеев билдирди.
Жыйында депутат Элвира Сурабалдиева биринчи элдик курултай өткөнүн жана анда көтөрүлгөн маселелердин канчасы аткарылганына кызыкты.
“Биринчи элдик курултайда 3700гө жакын элдин атынан сунуштар түшкөн. Аларды аткаруу боюнча Министрлер кабинети тарабынан тиешелүү чечимдер кабыл алынган. Жакында алынган отчет боюнча коюлган маселелердин 60 пайызга жакыны аткарылды. Алардын көпчүлүгү жер маселелерге тийиштүү”, — деди Чолпонбек Абыкеев.
Белгилей кетсек, жыйында “Элдик Курултай жөнүндө” конституциялык мыйзамдын долбоору биринчи окууда каралып жатат.
Биздин Телеграм каналга катталыңыз
