26-март күнү Нарын облусунун Нарын районунун Орток айыл өкмөтүнө караштуу Кең-Саз кыштоосунун Көңтөрмө тилкесинде мал-жандыктары менен кыштаган 2 чабан байланышка чыкпагандыгы боюнча маалымат келип түшкөн. Бул туурасында Өзгөчө кырдаалдар министрлигинен билдирди.

Маалыматка караганда, жергиликтүү Өзгөчө кырдаалдар бөлүмүнүн 4 офицер, айыл башчысы жана Суу чарба башкармалыгынан 1 бульдозер, Чек ара кызматынын аскердик бөлүгүнөн 1 камаз алып 15 чакырым жол тазаланып,  кыштоого чөп, жем жеткирүүгө дайындалып, унаа жете турган жерге чейин жеткирип беришкен.

Ал эми тартылган күч каражаттар Ардак тилкесинде жайгашкан сарайга жетишип түнөккө калышты.