Кыргыз-өзбек чек арасындагы “Достук” көзөмөл-өткөрүү бекетине жакын жерде 45 метрлик флагшток орнотулуп, мамлекеттик туу илинди. Бул тууралуу Ош мэриясы билдирди.

Былтыркы жылдын башында шаар мэри Жеңишбек Токторбаев бекеттин аймагын кыдырып чыгып, андан кийин аны иретке келтирүү тапшырмасын берген. Мындан улам бекеттин айланасы иретке келитирилген.

Ошондой эле иштебей калган май куюучу жайдын ордуна флагшток орнотулуп, айланасына заманбап эс алуу жайы курулган.

Мэр буга чейин Кыргызстанда кирип келгенде көрүнүш начар болгонун, “Эшигин көрүп, төрүнө өт” дегендей, “Достук” бекетинин айланасын көрктөндүрүүнү максат кылып, ушундай тапшырма бергенин билдирди.