Бүгүн, 31-мартта Худжанд шаарында Садыр Жапаров менен Эмомали Рахмон Ратификациялык грамоталар менен алмашуу жөнүндө протоколго кол коюшту. Бул тууралуу президенттин маалымат кызматы билдирди.
Ратификациялык грамоталар эки өлкөнүн ортосундагы мамлекеттик чек ара жөнүндө келишимди юридикалык жактан бекемдейт. Ал чек араны толук демаркациялоо, чек ара инфратүзүмүн модернизациялоо жана ага чектеш райондордо ынак коңшулаштыкты чыңдоо үчүн зарыл шарттарды түзөт.
