Министрлер кабинетинин төрагасынын орун басары Эрлист Акунбеков 9-сентябрда «Юнифрост» компаниясынын өкүлү Иван Колпаков менен жолугушту. Тараптар Кыргызстандын ишканаларында жергиликтүү тоюттар менен өстүрүлгөн балыкты Орусияга экспорттоо маселелерин талкуулашты.

Министр сертификациялоо иштерин жүргүзүүнү жана колдонулган тоюттардын курамы балыкты Орусиянын аймагына ташып кирүү стандарттарына толук шайкеш келишин камсыздоо боюнча чараларды көрүүнү тапшырды.

«Юнифрост» компаниясы балык продукцияларын кайра иштетүү, сактоо жана логистикасы менен алектенет. Мамлекеттик мекемелер республиканын балык чарбалары үчүн экспорттук шарттарды камсыз кылуу багытындагы иштерди улантат.