Кыргызстан Жапониядан 2,26 млн доллар кайтарымсыз жардам алат. Бул тууралуу Каржы министрлигинен билдиришти.
Маалыматка ылайык, Кыргызстандын министрлер кабинети менен Жапониянын ортосунда JDS долбоору боюнча Алмашуу ноталарына жана гранттык макулдашууга кол коюлду.
Тиешелүү документке Каржы министринин орун басары Руслан Татиков жана Жапониянын Кыргызстандагы элчиси Хидеки Года кол койду.
Макулдашуунун алкагында жапон өкмөтү Кыргызстандын министрлер кабинетине «Адам ресурстарын өнүктүрүү боюнча» стипендиялык программанын (JDS) долбоорун ишке ашырууга 2,26 млн доллар өлчөмүндө акысыз жардам көрсөтөт.
Биздин Телеграм каналга катталыңыз
