2026-жылдын январь–апрель айларында Кыргызстандан чет өлкөлөргө 11 799 тонна сүт азыгы экспорттолду. Бул өткөн жылдын ушул мезгилине салыштырмалуу 1 688,2 тоннага же 16,7%га көп.

Айыл чарба министрлигинин маалыматында, өлкөдөн төмөнкү сүт азыктары экспорттолгон:

• кычкыл сүт азыктары (курут, кымыз ж.б.) — 3,6 тоннадан 116,5 тоннага чейин;
• сүт сары суусу — 164 тонна;
• майсыз кургатылган эчки сүтү — 17,6 тонна;
• сүт коктейли — 2,2 тонна;
• каймак — 1,6 тонна.

Ошол эле учурда сары май, кургак сүт, сыр жана балмуздактын экспорту өткөн жылга салыштырмалуу азайган. Министрлик өсүү динамикасы жалпысынан экспорттолгон сүт азыктарынын ассортиментинин көбөйүшүнүн эсебинен сакталып жатканын кошумчалады.