Кыргызстанда 200 миң бай жаран бар. 1 миллионго жакыны орточо жашаса, 200 миңи жакыр жашайт. Мындай эсепти Министрлер кабинетинин төрагасы Акылбек Жапаров парламентте айтты.

Анын айтуусунда, орто жашаган катмар бирдиктүү салык төлөшөт. Ал эми байлар көбөйтүлгөн салык төгүшөт. Кымбат жана жаңы унаалары, курулуштарына чейин салык жогорулайт. Бул салыктан түшкөн каражаттын эсебинен жакыр жашаган 200 миң үй-бүлө менен 200 миңге жакын мүмкүнчүлүгү чектелген жаран менен жетим-жесирлер багылат.

Жогорку Кеңеш 2022-жылдын бюджет долбоорун карап жатат.