Жаратылыш ресурстары, экология жана техникалык көзөмөл министрлиги жер казынасын пайдалануу укугуна берилген лицензияларды жана келишимдердин аткарылышын инвентаризациядан өткөрдү.

Мекеменин маалыматында, 2 миңге жакын лицензия текшерилип, анын жыйынтыгында 836 мыйзам бузуу учуру аныкталган. Көрүлгөн чаралардын алкагында 600гө жакын лицензиянын иши убактылуу токтотулуп, айрымдары толугу менен жокко чыгарылган.

Министрлик лицензиялардын аткарылышында эң көп төмөнкү мыйзам бузуулар болгонун билдирди:

• рекультивациялык эсептер жана реквизиттер жөнүндө билдирүүлөрдүн жоктугу;
• бонустарды төлөө боюнча милдеттенмелердин аткарылбашы;
• лицензиялардын мөөнөтүнүн өтүп кетиши;
• башка лицензиялык талаптардын сакталбашы.

Ошондой эле Кыргыз геология кызматына бул багыттагы көзөмөлдү күчөтүү жана мыйзам бузуулар боюнча тийиштүү чараларды көрүү тапшырылган.