Бүгүн, 16-июндан тарта Бишкек шаарындагы Киев көчөсүн оңдоп-түздөөгө байланыштуу 14 автобустук каттамдын жүрүү схемалары убактылуу өзгөртүлдү.

Бишкек мэриясынын маалыматында, төмөнкү каттамдардын багыты өзгөрөт:

№104, №212, №222, №254, №7Т, №25, №243, №216, №145, №103, №66, №42, №36 жана №24.

Иш жүрүп жаткан учурда аталган автобустар альтернативдүү көчөлөр аркылуу каттайт. Автобустардын өзгөргөн жүрүү схемасын ушул шилтемеден караңыз.

Мэрия шаар тургундарына жана конокторуна коомдук транспорттун жаңыланган багыттарын алдын ала тактап алуу сунуштады. Ошондой эле түзүлгөн кырдаалга түшүнүү менен мамиле кылууга чакырды.