Кечээ, 22-майда Бишкек шаарында кыргыз-казак ишкерлер кеңешинин жыйыны болуп өттү. Бул тууралуу Соода-өнөр жай палатасы маалымдады.

Жолугушууда Казакстан тарап “Алатау” эл аралык транспорттук-логистикалык комплексин (ITLC) Кыргызстанда курууну сунуштаган.

Маалыматта айтылгандай, бул долбоордун максаты – эл аралык рынокко чыгуу мүмкүнчүлүгү бар товарларды кайра иштетүү, сактоо жана жайылтуу боюнча кубаттуу борбор түзүү.

Аталган комплекс төмөнкүлөрдү бириктирет:

• Товарларды сактоо, сактоо, сорттоо жана таңгактоо;
• Жаны продукцияларды чыгаруу жана сатуу;
• Юридикалык жана финансылык кеңеш;
• Соода аянтын ижарага алуу жана логистикалык кызматтар;
• Экспорттук-импорттук жол-жоболоштуруу кызматтары.

Мындан тышкары жолугушууда кыргыз-казак чек арасындагы өткөрүү пунктун модернизациялоо жана туризм менен сооданын жаңы кыймылдаткычы боло турган Алматы-Ысык-Көл автожолунун долбоорун ишке ашыруу маселелери талкууланган.