Президент Садыр Жапаров 10-июнга чейин чет элдик жарандарга жана жарандыгы жок адамдарга Кыргызстандын аймагындагы жүрүүсүн мыйзамдаштырууга шарт түзгөн жарлыкка кол койду. Бул тууралуу Президенттик аппараттан маалымдашты.

Жарлыкка ылайык, визасынын мөөнөтү өтүп кеткен же документтери жокко чыгарылган адамдар, эгер ыктыярдуу түрдө өз макамын мыйзамдаштырса, административдик жоопкерчиликтен бошотулат.

Ички иштер министрлигине мыйзам бузгандарды аныктап, тиешелүү иш-чараларды көрүү тапшырмасы берилди.

Бул кадам Кыргызстанда мыйзамсыз жүргөн адамдарга укуктук макамын жөнгө салууга жана коомдук тартипти сактоого багытталган.