Кыргызстандын Мамлекеттик чек ара кызматынын аскер кызматкери мамлекеттик чек аранын кыргыз-тажик тилкесинде товарларды мыйзамсыз өткөрүүгө көмөктөшкөн деген шек менен кармалды. Бул тууралуу мекеменин басма сөз кызматы билдирди.

Маалыматка ылайык, аскер кызматкеринин мыйзамсыз аракеттерге мүмкүн болгон тиешеси Чек ара кызматынын ички коопсуздук бөлүмү тарабынан коррупцияга жана башка укук бузууларга каршы жүргүзүлгөн ыкчам-профилактикалык иш-чаралардын жүрүшүндө аныкталган.

Алдын ала маалыматтар боюнча, аскер кызматкери товарларды мыйзамсыз ташуу менен алектенген адамдарга көмөк көрсөткөн.

Топтолгон материалдар андан аркы процесстик иш-аракеттерди жүргүзүү үчүн Баткен гарнизонунун Аскер прокуратурасына өткөрүлүп берилди. Учурда шектүү кармалды.

Мамлекеттик чек ара кызматынан билдиришкендей, мекеме коррупцияга карата «нөлдүк сабырдуулук» принцибин карманат. Коррупциялык жана башка мыйзамсыз аракеттерге тиешеси бар кызматкерлерге мыйзамга ылайык эң катаал чаралар, анын ичинде кызматтан бошотуу жана жоопкерчиликке тартуу колдонулат.