Кыргызстанда жыл сайын өткөрүлүүчү сезондук гриппке каршы вакцинация кампаниясы башталды. Бул тууралуу Өлкөлүк мамлекеттик санитардык-эпидемиологиялык көзөмөл жана ооруларды алдын алуу борбору маалымдады.

Иммундоштурууну жүргүзүү үчүн өлкөгө «Гриппол+» вакцинасынан 63 734 доза жеткирилген жана ал бардык аймактарга бөлүнгөн.

Вакцина биринчи кезекте жогорку тобокелдиктеги топторго — балдарга, кош бойлу аялдарга, медициналык кызматкерлерге, созулма ооруга чалдыгкан адамдарга жана 65 жаштан ашкандарга берилет.

Саламаттык сактоо министрлиги вакцинациянын ооруларды оор өткөрүүнү жана кесепеттерди азайтууга жардам берерин, өзгөчө сезондук суук тийүү жана температуранын өзгөрүшү учурунда пайдалуу экенин белгиледи.