Май айынын башынан бери Кыргызстанда кумшекер 9 сомго кымбаттады. Мындай маалыматты Улуттук статистикалык комитет билдирет.

2-майга карата республика боюнча кумшекердин орточо баасы 86,38 сомду түзсө, 30-майда 95,38 сомго жеткен. Мында продукциянын баасы эң көп Токтогулда (17,7 сомго), Балыкчыда (14,2 сомго), Бишкекте (12,73 сомго) кымбаттады.

Ошол эле учурда кумшекер, тескерисинче, арзандап кеткен аймактар ​​бар. Булар Ош (5,05 сомго), Кара-Суу (2,34 сом) жана Өзгөн (1,37 сом).

Буга чейин канттын баасынын негизсиз өсүшүнө жол бербөө максатында Монополияга каршы жөнгө салуу кызматы республиканын бардык аймактарында мониторинг жүргүзгөн.