Республикада кыймылсыз мүлктү сатып алуу-сатуу документтерин күбөлөндүрүүдө нотариустарды видео жана сүрөткө тартууну (фотофиксация) жүргүзүүгө милдеттендирген ченем күчүнө кирди. Бул тууралуу юстиция министринин орун басары Кубан Казаков билдирди. Бул чара максималдуу ачык-айкындуулукту камсыз кылууга жана жарандарды алдамчылык схемалардан коргоого багытталган.

Жол-жобо бүтүмдүн катышуучулары өздөрүнүн ниеттерин жеке тастыктаган кыска ролик (узактыгы бир мүнөткө чейин) жаздырууну түшүндүрөт. Адам камерага белгиленген үлгүдөгү сүйлөмдү айтышы керек, мисалы: «Мен, (Аты-жөнү), кыймылсыз мүлк объектисин баланча жаранга саттым». Мындай видео далилдер ири мүлктүк бүтүмдөрдү түзүүдө коопсуздуктун кошумча кепилдиги болуп калат.

Муну менен катар өлкөдө «Электрондук нотариат» тутуму өнүгүүдө, ал аркылуу 2024-жылдын февраль айынан бери 5,6 миллиондон ашык аракет жасалган. Учурда операциялардын 2%ы гана толугу менен санариптик форматта жүргүзүлүүдө, бирок Юстиция министрлиги онлайн кызмат көрсөтүүлөрдүн тизмеси 6дан 20га чейин кеңейтилгенден кийин сервистин популярдуулугу өсөт деп күтүүдө.