Кыргызстанда март айынан бери өсүмдүк майына болгон баа 5,5 пайызга жогорулады. Бул тууралуу Монополияга каршы жөнгө салуу агенттиги билдирди.

Маалыматка ылайык, март айынын башында майдын баасы бир литри 157 сом 6 тыйынды түзсө, 12-апрелге карата 166 сом 3 тыйынды түзгөн.

Баанын өсүү себептери:

Чет элдик валюталардын курсунун жогорулашы;

Өлкө импортко көз каранды (Орусия жана Казакстандан импорттолуп келет);

Товарды импорт кылган өлкөлөрдөгү дүң баалардын жогорулашы;

Жеткирүүчү өлкөлөрдүн импорттук товарга чектөө киргизиши;

Логистиканын кымбатташы;

Агенттиктен билдиришкендей, өлкөдө өсүмдүк майынын запасы жетиштүү.