Кыргыз Республикасынын Улуттук статистика комитетинин маалыматына ылайык, 2025-жылы өлкөнүн туризм тармагында 12,6 миң адам эмгектенген. Алардын орточо айлык акысы 30 634 сомду түзүп, 2021-жылга салыштырмалуу дээрлик үч эсеге өскөн.

Мейманканалар жана туристтер үчүн башка жайгаштыруу жайлары 11 миллиард сомдон ашык киреше тапкан. Бул 2024-жылга салыштырмалуу 10% көп. Туристтик-экскурсиялык кызматтардан дагы 7,6 миллиард сом киреше түшсө, санаторий-курорттук кызматтардын көлөмү 1,3 эсеге өскөн.

Бир жыл ичинде жүргүнчүлөрдү ташуу кызматтары аркылуу 10,5 миллион турист ташылган. Бул 2024-жылга караганда 8,5% көп жана 2021-жылга салыштырмалуу эки эсеге көп.

Туристтик суроо-талаптын өсүшүн жергиликтүү өндүрүүчүлөр да сезишкен. Туризмге керектүү минералдык суу, улуттук суусундуктар, сувенирлер жана спорттук инвентарлар сыяктуу товарлар дээрлик 5 миллиард сомго өндүрүлгөн. Бул 2024-жылга салыштырмалуу 27% көп.