Кыргызстандык балбандар Түркияда өткөн Victory Cup and Champions эл аралык мелдешинде 11 медаль утту. Бул тууралуу Дене тарбия жана спорт департаментинен бидиришти.

Грек-рим, эркин жана кыз-келиндер күрөшү боюнча таймаштар Анталия шаарында  29-апрелден 4-майга чейин болуп өттү.  Кыргызстандык балбан аталган мелдеште 3 алтын, 3 күмүш, 5 коло байге алды.

Кыз-келиндер күрөшү боюнча (U-20) Таңчолпон Кабылова (59 кг) жана Калмира Билимбекова (62 кг) күмүш медаль утту. Ал эми, Айтолкун Медет кызы (57 кг) коло медалга ээ болду.

Грек-рим күрөшү боюнча (U-23) Жантөрө Мырзалиев  (63 кг), Асан Жанышов (87 кг) жана Сабит Шамшидинов (60 кг) алтын медаль тагынды. Имур Темирбеков (U-17; 72 кг) күмүш байге алды. Ошондой эле, Абдулазиз Аскарбеков (72 кг) менен Алибек Бердиев (77 кг) коло утту.

Эркин күрөш боюнча (U-20) Аден Сакбаев  (65 кг) жана Автандил Төлөгөнов (79 кг) коло медалдын ээлери болушту.

[image_carousel source=”media: 188458,188459,188460,188461,188462,188463″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз