Кыргызстандык мушкерлер 7–13-сентябрь күндөрү Орусиянын Чита шаарында өткөн «Даурия Евразия кубогу» эл аралык бокс турниринде күмүш жана коло медаль жеңишти. Бул тууралуу Sport.kg маалымат агенттиги билдирди.

Маалыматка ылайык, аталган турнирге 19 өлкөдөн келген 150гө жакын мушкер катышкан. Кыргызстандан барган Эльдияр Тенисбеков 60 кг салмакта күч сынашып, күмүш медаль жеңген. Ал эми 67 кг салмак категориясында катышкан Кутманды Муратов коло медаль тагынган.

Мелдештин жыйынтыгында алтын медаль ээлерине 500 миң рубль сертификаттары тапшырылган. Күмүш байге ээлерине 200 миңден, коло байге ээлерине 100 миң рублдан берилген.